Rudie van Rensburg 
Doolhof 

Omstrede en skatryk oud-politikus Armand Deysel is vermoor, en Kassie en Rooi het nie minder nie as ses verdagtes. ’n Britse ondersoeker is op die spoor van die waardevolle Doolhof-halssnoer, en ’n platsakman steier telkens terug van die samelewing se dwarsklappe.
          Kassie en Rooi pak hul ondersoek sonder forensiese rugsteun aan, en al die verdagtes hardloop kringe om hulle. Gaan iemand dié keer vir Kassie ore aansit  ̶  en met die perfekte moord wegkom?

关于作者

Rudie van Rensburg woon in Kaapstad en het al twaalf uiters gewilde spanningsverhale geskryf: Slagyster, Kopskoot, Judaskus, Pirana, Kamikaze,  Ys,  Medusa,  Vloek,  Merk,  Hartedief,  Monster en Doolhof,  en die topverkopende komiese romans Hans steek die Rubicon oor,  Hans gee Herklaas horings,  Hans bars die bioborrel en Hans hou sy lyf Sherlock.